Qubada və Şəkidə aramsız yağan yağışlar ciddi fəsadlar törədib.

Quba - Tüləkəran yolunun 4-cü kilometrliyində baş verən torpaq sürüşməsi nəticəsində 6 kəndlə nəqliyyat əlaqəsi tamamilə kəsilib. Ərazidə alternativ yolun açılması və bərpa işləri davam etdirilir.

Rayonun İkinci Nügədi kəndində yerləşən istirahət mərkəzinin yaxınlığındakı göldə isə suyun səviyyəsi artıb. Nəticədə obyektin bir sıra tikililəri və ətraf ərazi su altında qalıb. İnfrastruktura ziyan dəyib və qayıqlar su altında qalıb. Yaranan çətinlik səbəbindən istirahət mərkəzi fəaliyyətini müvəqqəti dayandırıb.

Leysandan Şəki rayonu da zərər görüb. Cunud, Şin, Layısqı və Qumux kəndlərində sel suları evlərə və şəxsi təsərrüfatlara ziyan vurub, körpünü yararsız vəziyyətə salıb.

Hazırda fəsadların aradan qaldırılması istiqamətində aidiyyəti qurumlar tərəfindən tədbirlər görülür.

Oxşar xəbərlər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Qubada torpaq sürüşməsi baş verən kəndə ərzaq yardımı göndərilib

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Şəkidə canavarlar kəndə HÜCUM EDİB: Təsərrüfatlara ciddi ziyan dəyib

Balıkesirdəki zəlzələ zamanı 25 bina zərər görüb