Orta Dəhliz regionda uzunmüddətli sülh və sabitliyə töhfə verə bilər, Azərbaycan isə bu nəqliyyat marşrutunun əsas elementidir.

BAKU.WS report-a istinadən xəbər verir ki, bu barədə müsahibəsində rumıniyalı deputat, Avropa Parlamentinin üzvü Kristian Terheş bildirib.

"Azərbaycan Orta Dəhlizdə əvəzolunmaz yer tutur. Coğrafi baxımdan bu marşrutda Azərbaycanın real alternativi yoxdur. Avropa Rusiyadan keçən nəqliyyat marşrutlarına alternativlər axtardıqca, ticarət və nəqliyyat əlaqələrinin getdikcə daha böyük hissəsi Orta Dəhlizdən asılı olacaq", - o deyib.

Terheş vurğulayıb ki, bu marşrutdakı hər bir ölkə öz rolunu oynayır, lakin Azərbaycan əsas element olaraq qalır.

"Bu dəhliz təkcə iqtisadi layihə deyil, həm də sülh layihəsidir. Avropaya inteqrasiya prosesi İkinci Dünya müharibəsindən sonra, liderlər rifah və iqtisadi əməkdaşlığın yeni münaqişələrin qarşısını ala biləcəyini dərk etdikləri zaman başladı. Eyni prinsip Cənubi Qafqazda da tətbiq edilə bilər", - o bildirib.

Onun sözlərinə görə, ticarəti, nəqliyyat əlaqələrini və ümumi iqtisadi maraqları gücləndirməklə Orta Dəhliz regionda uzunmüddətli sülh və sabitliyə töhfə verə bilər. "Məhz buna görə də regional əməkdaşlığın inkişafı və Azərbaycanla Ermənistan arasında sülh müqaviləsinin bağlanması istiqamətindəki səylər bu qədər vacibdir. Avropa İttifaqı (Aİ) dəhlizin strateji əhəmiyyətini qəbul etməli və onun inkişafında iştirak edən ölkələrlə konstruktiv şəkildə qarşılıqlı əlaqədə olmalıdır. İnfrastruktur layihələrinin dəstəklənməsi, iqtisadi əməkdaşlığın gücləndirilməsi və regional tərəfdaşlıqların təşviq edilməsi həm rifaha, həm də sabitliyə töhfə verə bilər", - o qeyd edib.

Avropa Parlamentinin deputatı vurğulayıb ki, Aİ həmçinin regionda fəal siyasi mövcudluğunu qoruyub saxlamalıdır. "Nəqliyyat əlaqələri və sülh bir-biri ilə sıx bağlıdır, iqtisadi qarşılıqlı asılılığı dərinləşdirən layihələr isə uzunmüddətli sabitliyi dəstəkləməyə qadirdir", - o əlavə edib.

Müsahibənin tam mətnini buradan oxuya bilərsiniz.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3