"Kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı" aqrar sektorda dönüş mərhələsidir.

"Far.Az"un Saatlıya ezam olunmuş müxbiri xəbər verir ki, bunu kənd təsərrüfatı nazirinin müavini İlhamə Qədimova Dövlət Proqramı çərçivəsində keçirilən Mil-Muğan iqtisadi rayonu üzrə regional müşavirədə bildirib.

Onun sözlərinə görə, Dövlət Proqramının uğurlu icrası üçün bütün tərəflərin üzərinə ciddi vəzifələr düşür: "Sahibkarlar və özəl sektor da bu prosesdə daha fəal iştirak etməlidir. Silo və soyuducu anbarlar, emal müəssisələri, süd toplama məntəqələri, yun toplama və emal infrastrukturu, eləcə də intensiv bağçılıq və heyvandarlıq təsərrüfatları üzrə investisiya imkanları genişdir. Dövlət dəstək mexanizmləri bu investisiyaların reallaşdırılması üçün əlverişli şərait yaradır. Nəticə etibarilə, 2026–2030-cu illəri əhatə edən Dövlət Proqramı aqrar sahədə keyfiyyətcə yeni mərhələnin başlanğıcıdır. Proqramın əsas mahiyyəti ondan ibarətdir ki, biz yalnız əkin sahələrini genişləndirməklə deyil, mövcud torpaq resurslarından daha səmərəli istifadə etməklə məhsuldarlığı artırmalıyıq. Regionun torpaq, su və insan kapitalı, eləcə də mövcud istehsal ənənələri böyük potensial yaradır. Əsas məsələ bu potensialı düzgün təşkilatçılıq, dövlət dəstəyi, fermer məsuliyyəti və özəl sektor investisiyaları ilə real nəticəyə çevirməkdir", - deyə o qeyd edib.

Oxşar xəbərlər

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

İİTKM rəsmisi: "Yeni Dövlət Proqramı aqrar sektorda bütöv dəyər zəncirinin qurulmasına xidmət edir"

Prezident İlham Əliyev Şamaxıda "Şirvan Aqro" heyvandarlıq kompleksinin açılışında iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev İmişlidə "Promalt" MMC-nin arpa emalı müəssisəsinin açılışını edib