Ötən ilin iyulunda Yevlaxın Malbinəsi kəndində 1985-ci il təvəllüdlü Ruslan Mustafayevi güllələyərək öldürən şəxsin məhkəməsi başa çatıb.

Far.Az "Qafqazinfo"ya istinadla xəbər verir ki, Şəki Ağır Cinayətlər Məhkəməsində keçirilən prosesdə mərhumun 1957-ci il təvəllüdlü həmkəndlisi Əli Rəsulova hökm oxunub.

Bildirilib ki, 2007-ci ildə Ə.Rəsulov Ruslangilin ailəsindən 10 illik müddətə torpaq icarəyə götürərək yonca əkib. Müddət başa çatdıqdan sonra Ruslan torpağı özünün becərəcəyini bildirərək ondan alıb. Hadisədən öncə isə Əli Rəsulov əkdiyi yoncanın Ruslan tərəfindən biçildiyini görüb və səhər saat 6 radələrində sahəyə gəlib. Bundan sonra Ruslan da yuxudan oyanaraq oraya gedib və münaqişə yaranıb. Ə.Rəsulov "Toyota Prado" markalı avtomobilindən tüfəng götürərək Ruslanı güllələyib. O, hadisə yerində ölüb.

Bundan sonra Ə.Rəsulov qanunsuz olaraq Ruslangilin evinə daxil olaraq onun arvadına "Ruslana atəş açdım, deyəsən başından dəydi, ölüb-ölmədiyini bilmirəm, gedin onu götürün", - deyib.

Qətlə görə Cinayət Məcəlləsinin 120-ci, Ə.Rəsulovun Ruslanın evinə gedib arvadını silahla hədələməsinə görə isə 134 və 157-ci maddələri ilə iş açılıb.

Şəki Ağır Cinayətlər Məhkəməsinin hökmü ilə 69 yaşlı kişiyə 12 il həbs cəzası verilib.

Oxşar xəbərlər

Bakıda tanınmış şirkət bahalı maşınlarını ucuz qiymətə satışa çıxardı - SİYAHI

Prezident İlham Əliyev Əfv Sərəncamı imzalayıb

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Balıkesirdəki zəlzələ zamanı 25 bina zərər görüb

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb