Almaniya millisi Ekvadorla matçın bəzi epizodlarında həddindən çox sərbəst oynayıb.

"Report" xarici mediaya istinadən xəbər verir ki, bunu Avropa təmsilçisinin baş məşqçisi Yulian Naqelsman Ekvadora qarşı DÇ-2026-nın oyunundan sonra mətbuat konfransında deyib.

Mütəxəssis məğlub olduqları oyunu şərh edib:

"Yaxşı başladığımız və erkən hesabı açdığımız oyunda daha təmkinli çıxış etməyi bacarmalıyıq. Mövqelərimizi tez-tez dəyişmək əvəzinə, oyun planına sadiq qalmalıyıq. Bəzi epizodlarda həddindən artıq sərbəst oynadıq. Daha səbirli olmalı və meydandakı düzülüşümüzü qorumalıyıq. Bundan əlavə, top itkilərini azaltmalıyıq. Çünki topu tez-tez rəqibə hədiyyə etdikdə, oyuna nəzarəti əldən vermək qaçılmaz olur".

Qeyd edək ki, Ekvador millisi Almaniyanı 2:1 hesabı ilə məğlub edib.

Oxşar xəbərlər

DÇ-2026: Ekvadora məğlub olan Almaniya qrupu lider tamamlayıb - YENİLƏNİB-5

Azərbaycan millisi "FIFA Series - 2026" turnirinin qalibi olub - YENİLƏNİB-6

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Yulian Naqelsman: "Fildişi Sahili üzərində qazanılan 3 xal çox önəmli idi"

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3