Bu gün səhər saatlarında dünyasını dəyişən Xalq artisti Şahlar Quliyev dəfn olunub.

“Far.Az” xəbər verir ki, Təzə Pir məscidində keçirilən vida mərasimindən sonra mərhumun nəşi "Qurd qapısı" qəbiristanlığında torpağa tapşırılıb.

Bu gün səhər saatlarında dünyasını dəyişən Xalq artisti Şahlar Quliyevlə vida mərasimi keçirilib.

“Far.Az” xəbər verir ki, Təzə Pir məscidində baş tutan mərasimdə mərhumun yaxınları, sənət yoldaşları, mədəniyyət və ictimaiyyət nümayəndələri iştirak ediblər.

Ş.Quliyevin nəşi dəfn olunmaq üçün "Qurd qapısı" qəbiristanlığına aparılır.

Bu gün səhər saatlarında dünyasını dəyişən Xalq artisti Şahlar Quliyev "Qurd qapısı" qəbiristanlığında dəfn olunacaq.

Bu barədə “Far.Az”a mərhumun ailə üzvləri məlumat verib.

Qeyd olunub ki, Şahlar Quliyevlə vida mərasimi saat 14.00-da Təzə Pir məscidində keçiriləcək. Vida mərasimindən sonra cənazə dəfn olunması üçün "Qurd qapısı" qəbiristanlığına aparılacaq.

Azərbaycanın Xalq artisti Şahlar Quliyev vəfat edib.

Bu barədə "Far.Az"a onun yaxınları məlumat verib.

O, uzun sürən xəstəlikdən sonra 78 yaşında dünyasını dəyişib.

Qeyd edək ki, Ş.Quliyev 25 sentyabr 1946-cı ildə Cəlilabad rayonunda anadan olub. İlk təhsilini elə orada alıb. 1964-1969-cu illərdə indiki Azərbaycan Dövlət Mədəniyyət və İncəsənət Universitetində musiqili komediya aktyorluğu fakültəsində oxuyub. Daha sonra Şahlar Quliyev indiki Bakı Musiqi Akademiyasına daxil olub. 1973-cü ildə həmin təhsil müəssisəsini bitirdikdən sonra o, burada 2 il Şövkət Məmmədova adına Opera studiyasında, 1975-ci ildən başlayaraq isə Azərbaycan Dövlət Akademik Opera və Balet Teatrında solist kimi çalışıb.

O, “Leyli və Məcnun”da Nofəl, “Şah İsmayıl”da Aslan şah, “Aşıq Qərib”də Şahvələd, “Sevil”də Atakişi, “Arşın mal alan”da Süleyman, “Koroğlu”da Həsən xan, “Aida”da Amonasro, “Karmen”də Eskamilio, “Payatsı”da Tonio, “Bohema”da Şonar rollarını canlandırıb. Bundan əlavə, o, 2000-ci ildə çəkilən “Qız qalası” və 2007-ci ildə lentə alınan “Bəylik dərsi” filmlərində rol alıb. 1991-ci ildə Əməkdar artist, 2005-ci ildə isə Xalq artisti fəxri adlarına layiq görülüb.

Müxbirlər: Sevil Seymur, Nəcməddin Quluzadə
Fotoqraf: Məhəmməd Ağayev

Oxşar xəbərlər

Xalq artisti Şahlar Quliyevlə vida mərasimi keçirilib - YENİLƏNİB-2

Xalq artisti Şahlar Quliyev "Qurd qapısı" qəbiristanlığında dəfn olunacaq - YENİLƏNİB

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Nəsiman Yaqublu ilə vida mərasimi keçirilib - YENİLƏNİB

Azər Zeynalov: Şahlar Quliyev Azərbaycan teatrında uğurlu rollar oynayıb