Azərbaycan Kibertəhlükəsizlik Təşkilatları Assosiasiyasının (AKTA) təşkilatçılığı ilə Mingəçevir şəhərində keçirilən V "Cyber Summer School 2026" kiber yay düşərgəsi çərçivəsində iştirakçılar arasında voleybol turniri təşkil olunub.

"Far.Az"un Qərb bürosunun məlumatına görə, turnir AKTA, Mingəçevir Dövlət Universiteti, Gənclər və İdman Nazirliyinin Aran Regional Gənclər və İdman İdarəsinin birgə təşkilatçılığı ilə keçirilib.

Yarışın əsas məqsədi iştirakçılar arasında komanda ruhunun gücləndirilməsi, sağlam həyat tərzinin təşviqi, fiziki aktivliyin artırılması, eləcə də düşərgə iştirakçıları arasında əməkdaşlıq və qarşılıqlı ünsiyyətin inkişafına töhfə vermək olub.

Maraqlı idman mübarizəsi şəraitində keçən turnirdə komandalar yüksək əzmkarlıq və komanda işi nümayiş etdiriblər. Yarışın yekununda ilk üç yeri tutan komandalara medal və diplomlar təqdim olunub.

Qeyd edək ki, V "Cyber Summer School 2026" kiber yay düşərgəsi çərçivəsində kibertəhlükəsizlik üzrə nəzəri və praktiki təlimlərlə yanaşı, iştirakçıların fiziki və sosial inkişafını dəstəkləyən müxtəlif idman və komanda fəaliyyətləri də təşkil olunur. Bu cür tədbirlər gənclər arasında sağlam həyat tərzinin təşviqinə, liderlik və əməkdaşlıq bacarıqlarının inkişafına, həmçinin düşərgə iştirakçıları arasında dostluq münasibətlərinin möhkəmləndirilməsinə xidmət edir.

Oxşar xəbərlər

Mingəçevirdə V "Cyber Summer School 2026" kiber yay düşərgəsinə start verilib

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

"Cyber Summer School 2026"nın təlim proqramına start verilib

WUF13-ün beşinci günündən maraqlı anlar - FOTOREPORTAJ

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib