"Azərbaycan Xəzər Dəniz Gəmiçiliyi" QSC (ASCO) Avropa Yenidənqurma və İnkişaf Bankı (EBRD) ilə donanmanın tərkibinin yeni gəmilərlə zənginləşdirilməsi və Xəzərdən kənar fəaliyyətin genişləndirilməsini müzakirə edib.

"Report" bu barədə ASCO-ya istinadən xəbər verir.

EBRD-nin nümayəndə heyəti ilə keçirilən görüşdə həmçinin ASCO-nun strateji inkişaf prioritetləri, daşımaların səmərəliliyinin daha da artırılması üzrə nəzərdə tutulan hədəflər barədə ətraflı məlumat verilib.

Görüş zamanı rəqəmsallaşma, innovativ həllərin tətbiqi və müasir çağırışlara uyğun korporativ idarəetmə yanaşmaları istiqamətində həyata keçirilən və planlaşdırılan layihələr də diqqətə çatdırılıb.

Müzakirələr zamanı tərəflər əməkdaşlığın mövcud vəziyyətini müsbət qiymətləndirərək, qarşılıqlı maraq doğuran istiqamətlər üzrə potensial tərəfdaşlıq imkanlarını da nəzərdən keçiriblər.

Xatırladaq ki, 2024-cü ildə ASCO Avropa Yenidənqurma və İnkişaf Bankı ilə dövlət zəmanəti olmadan 2 ədəd "Handysize" tipli quru yük gəmisinin maliyyələşməsi üzrə kredit müqaviləsi imzalayıb. Layihənin ümumi dəyəri 60 milyon ABŞ dolları təşkil edir. Kredit müqaviləsi gəmilərin alınmasının 70 %-nin EBRD tərəfindən ayrılan kredit vəsaiti, 30 %-nin isə ASCO-nun daxili imkanları hesabına maliyyələşməsini nəzərdə tutur.

Gəmiçiliyin 2022-2030-cu illəri əhatə edən Strateji İnkişaf Planına uyğun olaraq, "Bakı Gəmiqayırma Zavodu" MMC-də (BGZ) iki ədəd neft və kimyəvi məhsullar daşıyan tanker və üç ədəd dalğıc gəmisinin inşası üçün sifariş verilib.

Yeni tankerlər 8 min ton yükdaşıma qabiliyyətinə malik olacaqlar. Dalğıc gəmiləri isə dənizin 45 metr dərinliyində işləmək üçün nəzərdə tutulub.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib