Rusiyanın Yaroslavl vilayətində pirotexniki vasitələr istehsal olunan zavodda baş vermiş yanğın nəticəsində ölənlərin sayı 13 nəfərə çatıb.

"Report" xəbər verir ki, bu barədə TASS operativ xidmətlərə istinadən məlumat yayıb.

"Yanğın nəticəsində 13 nəfər həlak olub, müəssisədə ümumilikdə 15 nəfər olub ", - məlumatda qeyd olunub.

Bildirilib ki, həmin müəssisənin yerləşdiyi Yaroslavl vilayətindəki Kubrinsk qəsəbəsi elektrik enerjisiz qalıb. Yanğın nəticəsində fişəng anbarının yaxınlığında yerləşən evlərə ziyan dəyib.

20:44

Rusiyanın Yaroslavl vilayətində pirotexniki vasitələr istehsal olunan müəssisədə baş vermiş yanğın nəticəsində ölənlərin sayı 10-a çatıb.

"Report" Rusiya mediasına istinadən xəbər verir ki, bu barədə Rusiya Fövqəladə Hallar Nazirliyinin mətbuat xidmətindən bildirilib.

Məlumata görə, yaralanan 11 nəfərdən 10-u ölüb. Xilasetmə bölmələri dağıntıların aradan qaldırılması ilə məşğuldur.

19:14

Rusiyanın Yaroslavl vilayətində pirotexniki vasitələrin istehsalı müəssisəsində baş verən yanğında 5 nəfər ölüb, 1 nəfər yaralanıb.

"Report" Rusiya mediasına istinadən xəbər verir ki, zavod Pereslavl-Zalesski bələdiyyə dairəsinin Kubrinsk kəndində yerləşir.

"Uçmuş konstruksiyaların söküntüsü zamanı həlak olan beş nəfərin meyiti aşkarlanıb. Ayağından xəsarət alan bir qadın təcili yardım briqadasına təhvil verilib", - Rusiya Fövqəladə Hallar Nazirliyinin region üzrə idarəsinin bəyanatında bildirilib.

Müəssisənin ərazisində iki binanın alovlandığı qeyd olunur. Yanğının söndürülməsində 100-dən çox insan və 40 ədəd texnika iştirak edir. Yanğınsöndürənlər yanğını lokallaşdıra biliblər, işlər davam etdirilir.

Oxşar xəbərlər

Bakıda kosmetoloji vasitələrin satışı anbarının fəaliyyəti dayandırılıb

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

FHN zavodda təlim keçirdi

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3