Qripdən qorunmağın ən effektiv üsullarından biri peyvənd olunmaqdır.

Far.Az xəbər verir ki, bunu Rusiyanın Səhiyyə Nazirliyinin Rusiya Tibbi Davamlı Təhsil Akademiyasının Virusologiya kafedrasının müdiri Yelena Malinnikova açıqlayıb.

Mütəxəssis bildirib ki, qripə qarşı peyvənddən sonra immunitetin formalaşması təxminən iki həftə çəkir. Bu səbəbdən insan özünü sağlam hiss etsə belə, mövsümi qripə qarşı peyvənd olunması tövsiyə edilir.

Virusoloqun sözlərinə görə, xüsusilə hamilə qadınlar, 6 aydan yuxarı uşaqlar və yaşlı insanlar qripə qarşı peyvəndlənməyə diqqət yetirməlidirlər.

Malinnikova qripdən qorunmaq üçün gündəlik gigiyena qaydalarına əməl etməyin də vacib olduğunu vurğulayıb. Onun sözlərinə görə, ictimai nəqliyyatdan istifadə etdikdən sonra əllər mütləq yuyulmalı, ev və iş yerlərində mütəmadi olaraq nəm təmizlik aparılmalı, otaqlar havalandırılmalıdır.

Virusoloq xəstələnən şəxslərə isə evdə qalaraq istirahət etməyi, otaqda uyğun rütubət səviyyəsini qorumağı tövsiyə edib.

Mütəxəssis qrip zamanı bəzi ənənəvi üsullardan istifadə edilməsinə də qarşı çıxıb. O, xüsusilə isti kartof buxarının üzərində nəfəs almaq və ayaqları qızdırmaq kimi üsulların faydadan çox zərər verə biləcəyini bildirib.

Oxşar xəbərlər

Nazirlik sel təhlükəsi zamanı qorunmağın yollarını göstərdi

Həyatda yaxşı şeyləri niyə görmürük? - Tanınmış simaların FİKİRLƏRİ

Leyla Əliyeva Bakı Xoreoqrafiya Akademiyasının qonağı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN