Gürcüstan nümayəndə heyəti ATƏT Parlament Assambleyasının (PA) Niderlandın Haaqa şəhərində keçirilən iclasını etiraz əlaməti olaraq tərk edib.

BAKU.WS xəbər verir ki, buna səbəb assambleyada qəbul edilən və Gürcüstanla bağlı qətnamənin də yer aldığı "Haaqa Bəyannaməsi" olub.

Gürcüstan nümayəndə heyətinin rəhbəri, parlamentin deputatı Nikoloz Samxaradze sənədin bəzi müddəalarının ölkədəki siyasi vəziyyəti təhrif etdiyini və milli maraqlara zidd olduğunu bildirib.

"Etiraz əlaməti olaraq nümayəndə heyətimiz səsvermədə iştirak etməyəcək", - deyə Samxaradze vurğulayıb.

ATƏT-in qəbul etdiyi qətnamədə Gürcüstanda 2024-cü ildə keçirilmiş parlament seçkiləri ilə bağlı narahatlıq ifadə olunub. Sənəddə beynəlxalq müşahidəçilərin hesabatlarına istinad edilərək seçkilər zamanı çoxsaylı pozuntuların qeydə alındığı bildirilib.

Gürcüstan nümayəndə heyəti iclas zalını tərk etsə də, Parlament Assambleyası bəyannaməni səs çoxluğu ilə qəbul edib.

Qəbul edilən sənəddə qeyd olunur ki, Gürcüstanda 2024-cü il parlament seçkiləri və 2025-ci ildə keçirilən yerli özünüidarəetmə orqanlarına seçkilər problemlərlə müşayiət olunub və xalqın iradəsini tam əks etdirməyib.

Oxşar xəbərlər

Zakir Həsənov: Gürcüstanla hərbi sahədə əlaqələrimiz inkişaf edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

AMEA-nın Rəyasət Heyətinin "gərgin" iclası

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev Niderlandın Azərbaycanda yeni təyin olunmuş səfirinin etimadnaməsini qəbul edib