"Mənim üçün çox çətin oyun oldu".

Far.Az Oxu.Az-a istinadən xəbər verir ki, bunu UEFA Avropa Liqasının 1-ci təsnifat mərhələsində keçirilən "Qarabağ" - "Vestri" oyunundan sonra İslandiya təmsilçisinin baş məşqçisi Daniel Osafo-Badu deyib.

O bildirib ki, "Qarabağ" çox gözəl oyun göstərdi:

"Ümumilikdə oyunçularımdan razı qaldım. Belə güclü rəqibə qarşı fikrimcə yaxşı oyun sərgilədik. "Qarabağ" çox fantastik oyun göstərdi. Bəziləri təxmin edirdilər ki, "Qarabağ" bizə 10 qol vuracaq. Üç qoldan ikisi bizim səhvimizdən oldu. Fikrimcə, pis oyun sərgiləmədik. Mən qazandığımız bu təcrübədən və oyunçularımın oyuna yanaşmasından məmnunam. Bizim növbəti oyuna qədər vaxtımız var. Topla oyun tərzimizi daha da yaxşılaşdırmalıyıq".

Qeyd edək ki, UEFA Avropa Liqasının 1-ci təsnifat mərhələsində keçirilən "Qarabağ" - "Vestri" (İslandiya) oyunu təmsilçimizin 3:0 hesablı qələbəsi ilə başa çatıb.

Xatırladaq ki, cavab qarşılaşması İslandiyanın paytaxtı Reykyavikdə yerləşən "Valbjarnarvöllur" stadionunda olacaq. Görüş Bakı vaxtı ilə iyulun 17-də, saat 00:00-da start götürəcək.

Oxşar xəbərlər

UEFA Avropa Liqası: "Qarabağ" - "Vestri" oyununda ikinci hissə başlayıb - YENİLƏNİB-3

UEFA Avropa Liqası: "Qarabağ" "Vestri"ni məğlub edib - YENİLƏNİB-5

UEFA Avropa Liqası: "Qarabağ" - "Vestri" oyunu başlayıb

Nazirlik sel təhlükəsi zamanı qorunmağın yollarını göstərdi

UEFA Avropa Liqası: "Qarabağ" "Vestri"ni məğlub edib