İsti yay günlərində sərinləmək üçün evdə və ofisdə kondisionerdən istifadə edirik. Ancaq əksəriyyətimiz bu cihazların vaxtında təmizlənmədikdə yarada biləcəyi təhlükələrdən xəbərsizik.

Baku TV-nin məlumatına görə, mütəxəssislər bildirirlər ki, vaxtında təmizlənməyən kondisionerlərdə təhlükəli bakteriyalar yaranır. Bu isə ağciyər infeksiyasına səbəb ola bilər.

Kondisioner ustası Rəşad Məhərrəmov deyir ki, ev şəraitində istifadəçilərin edə biləcəyi əsas iş yalnız filtrləri çıxarıb su və fırça ilə yumaqdır:

"Bundan başqa görülən işlər yalnız ustalara aiddir. Çox adam eşidir ki, kondisioner spreylə yuyulur. Elə bilirlər ki, bunu özləri etməlidirlər. Xeyr, belə deyil. Kondisioner yeni alındıqdan üç il sonra hər il yuyulmalıdır. Əgər ev səliqəlidirsə, tozlu deyilsə, kondisionerin çirklənməsi gecikir. Çirklənmə əsasən evin içindəki tozla bağlı olur. Təmizlənmədikdə kondisioner sıradan çıxmır, sadəcə, sərinlik zəifləyir".

Həkimlər isə bildirirlər ki, vaxtında təmizlənməyən kondisionerlər xüsusilə uşaqlar və xroniki xəstəliyi olan şəxslər üçün risklidir. "Bu zaman asqırma, öskürmə, boğaz quruluğu, göz qıcıqlanması kimi hallar baş verə bilər. Yay aylarında tənəffüs yolları ilə bağlı şikayətlər artır, allergik problemlər çoxalır. Kif göbələklərinin sporları tənəffüs yollarına daxil olduqda immun sistemi həssas olan insanlarda iltihabi reaksiyalar yarada bilər", - deyə həkim Abbas Bağırov bildirib.

Belə problemlərlə üzləşməmək üçün kondisioneri ildə azı bir dəfə təmizlətmək tövsiyə olunur. Mütəxəssislər isə bunun altı aydan bir edilməsini daha məqsədəuyğun hesab edirlər.

Oxşar xəbərlər

Ağciyər Xəstəlikləri Mərkəzinin Bakı Şəhər İxtisaslaşdırılmış Xəstəxanasının açılışı olub

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İordaniyadan Azərbaycana idxal olunan pendirdə zərərli bakteriyalar aşkarlanıb