İsrailin Müdafiə Ordusunun bölmələri Livanın cənubundakı təhlükəsizlik zonasına silah daşıyan "Hizbullah" yaraqlılarına hücum edib.

"Report" xəbər verir ki, bu barədə ordunun mətbuat xidməti "X" sosial şəbəkəsində məlumat yayıb.

"Bu gün 91-ci diviziyanın qüvvələri Livanın cənubundakı təhlükəsizlik zonasına tank əleyhinə raket və silah daşıyan bir qrup "Hizbullah" terrorçusunu aşkarlayıb. Onlar təhlükəsizlik zonasına avtomobillə daxil olublar və zonadakı binanın içərisinə tank əleyhinə raketlər boşaldıblar", - bəyanatda bildirilir.

Yaraqlılar içəri daxil olduqdan sonra İsrailin Müdafiə Ordusunun hərbçiləri təhlükəni aradan qaldırmaq üçün hava hücumu həyata keçirib.

Mətbuat xidməti qeyd edib ki, zərbədən sonra strukturun içərisində silahların olduğunu təsdiqləyən patlayışlar qeydə alınıb.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

FHN WUF13-ə hazırlıq çərçivəsində otellərdə təlimlər keçirib

FHN-in Dövlət Yanğından Mühafizə Xidməti növbəti "açıq qapı günü" tədbirləri keçirib

FHN Cəmşid Naxçıvanski adına Hərbi Liseydə təlim keçirib

DYMX Neft Emalı Zavodunda yanğın-taktiki təlim keçirib