Fransanın paytaxtı Parisdə anomal istilər səbəbindən Eyfel qülləsinin həftəsonu iş saatları əhəmiyyətli dərəcədə azaldılacaq.

BAKU.WS Oxu.Az-a istinadən xəbər verir ki, bu barədə abidənin mətbuat xidməti məlumat yayıb.

"Proqnozlaşdırılan yüksək temperaturla əlaqədar Eyfel qülləsi iş rejimini dəyişir. İyulun 11-i şənbə və iyulun 12-si bazar günləri qüllə istisna hal kimi saat 16:00-da bağlanacaq", - deyə abidənin rəsmi saytında bildirilib.

Adətən qüllə yerli vaxtla saat 01:00-dək (Bakı vaxtı ilə saat 03:00) turistləri qəbul edir.

Oxşar tədbirlər dünyaşöhrətli Luvr muzeyi və Ejen Delakrua muzeyində də tətbiq olunub. Bundan əlavə, Parisin digər məşhur mədəniyyət ocaqlarından olan Orse muzeyinin rəhbərliyi də iş rejiminin müvəqqəti dəyişdirildiyini elan edib.

Mütəxəssislər bildirirlər ki, bu məhdudiyyətlər günün ən isti saatlarında çoxsaylı turistlərin və xidmət personalının sağlamlığının qorunması məqsədilə tətbiq edilir.

Oxşar xəbərlər

Bakıda Zəfər muzeyinin açılışı olub

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

Azərbaycan Milli Xalça Muzeyində "Zamanın naxışları" moda nümayişi təşkil olunub

İlham Əliyev və Sərdar Berdiməhəmmədov Şuşada Bülbülün ev-muzeyində olublar

Azərbaycanlı müğənninin oğlunun əsərləri "Luvr" muzeyində sərgiləndi