Hacıqabulda baş verən ağır yol-nəqliyyat hadisəsinin şahidləri Baku TV-yə açıqlama veriblər.

"Zaqataladan Bakı istiqamətinə gedirdik. Birdən bir səs eşitdik və avtobusun nəyəsə çırpıldığını hiss etdik. Sonra gördük ki, aşırıq. Yalnız onu xatırlayıram ki, avtobusun içində diyirlənirdik. Allaha şükür, ölən yoxdur. Bacardığımız qədər yaralılara kömək etdik və onları avtobusdan çıxardıq", - deyə zərərçəkənlərdən biri bildirib.

Avtobusun sürücüsü isə hadisənin necə baş verdiyini belə izah edib:

"Restorandan çıxıb yola davam edirdim. Gün təzə-təzə işıqlanırdı. Günəş gözümə düşdü və hadisənin necə baş verdiyini anlamadım. Bəlkə yorğunluqdan, bəlkə də başqa səbəbdən idi. Birdən gördüm ki, avtobusu idarə edə bilmirəm və yoldan çıxıram. Avtobus 51 yerlikdir, lakin tam dolu deyildi. Təxminən 30-35 sərnişin var idi. Hadisədən əvvəl hər şey normal idi. Səfərə çıxmazdan əvvəl yatıb dincəlmişdim".

Oxşar xəbərlər

Hacıqabulda vəhşi heyvan və quşların saxlanıldığı məşhur restoranlarda monitorinq keçirilib

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Bu gün abituriyentlər I və IV ixtisas qrupları üzrə imtahan veriblər

Hacıqabulda Zəfər Bağı salınıb

Prezident İlham Əliyev Cəbrayılın Şahvəlli kəndində "Şəms" və "Üfüq" Günəş Elektrik stansiyalarının təməlini qoyub