Yeni tədris ilinin başlamasına iki aydan çox vaxt qalsa da, kirayə mənzil bazarında artıq hərəkətlilik müşahidə olunur. Bölgələrdən paytaxta təhsil almağa gələn tələbələr mənzil tapmaq üçün axtarışlara erkən başlayırlar.

Mənzil elanlarında isə daha çox qız tələbələrə üstünlük verildiyi diqqət çəkir. Hətta bəzi hallarda eyni mənzil oğlan tələbələrə daha yüksək qiymətə təklif olunur.

Baku TV-nin "Mənzilinizi oğlan tələbələrə kirayə verərsiniz?" sualı ilə paytaxt sakinləri arasında keçirdiyi sorğu maraqlı cavablarla yadda qalıb.

"Qızlara ev verirlər, çünki əksəriyyəti səliqəli olur. Oğlanların isə çoxu evi səliqəsiz saxlayır, dağıdır. Belə olan halda kim onlara ev versin? Qızlara 500 manata verilən mənzil oğlanlara, bəlkə də, 550-600 manata təklif olunur", - sakinlərdən biri bildirib.

Başqa bir sakin isə qeyd edib: "Yəqin ki, evdə nadinclik edirlər. Oğlanlara güvən azdır, yaxud da mənzili baxımsız saxlayırlar".

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4