ABŞ-nin İranın Hörmüzqan əyalətinin bir sıra bölgələrinə endirdiyi yeni zərbələr nəticəsində bir nəfər həlak olub.

"Far.Az" "Tasnim" agentliyinə istinadən xəbər verir ki, əyalət administrasiyasındakı məlumatlı mənbə axşam saatlarında bir neçə ərazinin, o cümlədən Qeşm adasının hücuma məruz qaldığını təsdiqləyib.

Zərbələrdən sonra bu ərazilərdə bir neçə partlayış səsi eşidilib.

Mənbənin sözlərinə görə, Bəndər-Ləngə dairəsinin Fərur bölgəsində MCI ("Hamrah-e Aval") mobil rabitə operatorunun əməkdaşı həlak olub, daha iki həmkarı yaralanıb, onlar xəstəxanaya yerləşdiriliblər.

"Axios" portalının jurnalisti Barak Ravid isə ABŞ administrasiyasının nümayəndəsinə istinadən bildirib ki, Amerika hərbçiləri Hörmüz boğazı bölgəsində İranın raket sistemləri və hava hücumundan müdafiə kompleksləri, həmçinin İslam İnqilabı Keşikçiləri Korpusunun (SEPAH) katerlərinə zərbələr endiriblər.

20:21

Bəndər Abbas limanı və Qeşm adasında bir neçə partlayış səsi eşidilib.

"Far.Az" xəbər verir ki, bu barədə "Fars" agentliyi məlumat yayıb.

"Bir neçə dəqiqə əvvəl Bəndər Abbasın şərq tərəfindən və Qeşm adasının sahil zonasından bir neçə partlayış səsi eşidilib", - məlumatda bildirilib.

Qeyd olunub ki, Qeşm adasının cənub hissəsinin sakinləri də bir neçə partlayış səsi eşitdikləri barədə məlumat veriblər:

"Partlayışların xarakteri hələ müəyyən edilməyib, əlavə məlumat veriləcək".

Oxşar xəbərlər

Şəhidlər xiyabanına xalq ziyarəti axşam saatlarında da davam edir

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda obyektdə güclü PARTLAYIŞ - 7 nəfər xilas edilib, yaralılar var