Almaniya Ukraynanın müdafiə qabiliyyətinin gücləndirilməsi məqsədilə 50 min zərbə tipli pilotsuz uçuş aparatının (PUA) tədarükünü maliyyələşdirəcək.

Far.Az xəbər verir ki, bu barədə "Reuters" agentliyi məlumatlı mənbəyə istinadən məlumat yayıb.

Bildirilib ki, sifarişə Ukraynanın aparıcı istehsalçılarından olan SkyFall şirkətinin hazırladığı Shrike pilotsuz aparatları daxildir. Dronlar ABŞ-ın müdafiə texnologiyaları sahəsində fəaliyyət göstərən Auterion şirkətinin proqram təminatı ilə təchiz olunacaq. Bu sistem uçuşun son mərhələsində hərəkətdə olan hədəfləri avtonom şəkildə müəyyənləşdirərək zərbə endirmək imkanına malikdir.

"Auterion"un baş icraçı direktoru Lorens Mayer müqavilənin imzalandığını təsdiqləyib. Onun sözlərinə görə, layihənin ümumi dəyəri təxminən 90 milyon avro (103 milyon ABŞ dolları) təşkil edir və maliyyələşdirmə Avropa ölkələrindən biri tərəfindən təmin edilir.

Mayer qeyd edib ki, sifariş edilən pilotsuz aparatların bir hissəsi artıq Ukraynaya təhvil verilib, qalanlarının isə ilin sonunadək çatdırılması nəzərdə tutulur.

Almaniya Müdafiə Nazirliyi isə əməliyyat təhlükəsizliyini əsas gətirərək məsələ ilə bağlı şərh verməkdən imtina edib.

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Almaniya Ukraynaya 50 min zərbə PUA-sının tədarükünü maliyyələşdirəcək

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycanda PUA-ların istifadəsində yeni mərhələ başlayır - Hansı qaydalar tətbiq olunacaq?

Amnistiya aktı məntəqə tipli cəzaçəkmə müəssisəsində icra olunub