Uruqvayın "Diario La R" nəşri IV Şuşa Qlobal Media Forumunu jurnalistika, kommunikasiyalar və medianın müasir dünyadakı roluna həsr olunmuş ən mühüm beynəlxalq tədbirlərdən biri adlandırıb.

BAKU.WS "Report"a istinadən xəbər verir ki, məqalədə nəşrin nümayəndə heyətinin forumu işıqlandırmaq üçün Bakıya gəldiyi qeyd olunub.

Tədbirdə "Diario La R"i nəşrin baş direktoru Xuan Blanko təmsil edir.

"Tədbirin jurnalistlər, media rəhbərləri, alimlər, beynəlxalq təşkilatların nümayəndələri və kommunikasiya sahəsində ekspertlər də daxil olmaqla 50-dən çox ölkədən 150-dən artıq nümayəndəni bir araya gətirəcəyi gözlənilir", - deyə məqalədə vurğulanıb.

Qeyd olunub ki, forumun keçirildiyi Şuşa şəhəri Azərbaycanın azad edilmiş ərazilərinin bərpasının simvoludur.

"Forum çərçivəsində dezinformasiyanın yayılması, geosiyasi münaqişələr və sürətli texnoloji inkişaf fonunda müasir jurnalistikanın qarşılaşdığı çağırışlara həsr olunmuş konfranslar, panel müzakirələri və ikitərəfli görüşlər planlaşdırılıb.

Tədbirin əsas mövzularından biri tarixi həqiqətin bərpa edilməsində, yoxlanılmış faktlara əsaslanan informasiya narrativlərinin formalaşdırılmasında, həmçinin xalqlar arasında sülhün, əməkdaşlığın və qarşılıqlı anlaşmanın möhkəmləndirilməsində medianın rolu olacaq", - deyə məqalədə qeyd olunub.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev IV Şuşa Qlobal Media Forumunun açılışında iştirak edib

Selena Qomez və Benni Blanko evləndi

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub