Azərbaycanda vergi yoxlamalarının sayı 6 dəfə azalıb.

"Far.Az"un məlumatına görə, bunu deputat Vüqar Bayramov Milli Məclisin bu gün keçirilən növbəti plenar iclasında bildirib.

Onun sözlərinə görə, hazırda Azərbaycanda aktiv fəaliyyət göstərən vergi ödəyicilərinin sayı 800 mindən çoxdur: "İllik əsasda isə vergi yoxlamalarının sayı 29 % azalıb. Yəni praktiki olaraq, kameral vergi yoxlamalarında biz hər il əvvəlki illə müqayisədə sayın azaldığını və sahibkarlığın dəstəkləndiyini müşahidə edirik. Gömrük yoxlamalarında illik azalma isə 22 % təşkil edir".

Deputat qeyd edib ki, sahibkarların dəstəklənməsi ilə yanaşı, qida təhlükəsizliyinin və digər tələblərin təmin olunması da çox vacibdir: "Bu gün qəbul etdiyimiz "Balıqçılıq haqqında" qanun layihəsi də balıqçılıq fəaliyyətinin dövlət tərəfindən dəstəklənməsini və bu sektorun inkişafını nəzərdə tutur. Amma sahibkarın dəstəklənməsi, yersiz müdaxilələrin minimuma endirilməsi və yoxlamaların sayının azaldılması ilə yanaşı, digər mühüm məsələ istehlakçıların hüquqlarının və qida təhlükəsizliyinin qorunmasıdır. Praktiki olaraq, biz paralel şəkildə həm sahibkarların dəstəklənməsini, həm də istehlakçıların hüquqlarının qorunmasını təmin etməliyik. Çünki sahibkarlıq subyektlərində yoxlamaların sayının azalması istehlakçı hüquqlarının pozulmasına və ya keyfiyyətsiz məhsulların istehlak bazarına çıxarılmasına səbəb olmamalıdır".

Oxşar xəbərlər

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib