Bu ilin yanvar-iyun ayları ərzində Azərbaycanda ümumilikdə 226 804 ədəd "ASAN İmza" elektron imza sertifikatı təqdim edilib.

Bu barədə "Far.Az"a İqtisadiyyat Nazirliyi yanında Dövlət Vergi Xidmətindən bildirilib.

Bu, ötən ilin eyni dövrü ilə müqayisədə 0,3 % çoxdur.

İlin birinci yarısında "ASAN İmza" sertifikatları 145 061 müraciət əsasında verilib. Bu rəqəm isə bir il öncəki göstəricidən 3,3 % az olub.

"ASAN İmza" elektron imza sertifikatları üç kateqoriyaya bölünür: fiziki şəxslər (vətəndaşlar), hüquqi şəxslər və sahibkarlıq fəaliyyəti həyata keçirən fiziki şəxslər, eləcə də dövlət qulluqçuları üçün nəzərdə tutulan elektron imza sertifikatları. Fiziki şəxslərə aid olan elektron imza sertifikatları fərdi istifadə məqsədi daşıyır. Hüquqi şəxslər və sahibkarlıq fəaliyyəti aparan fiziki şəxslər, habelə dövlət qulluqçuları üçün hazırlanmış elektron imza sertifikatları isə kommersiya və ya dövlət qurumunu təmsil etmək və həmin qurumun adından fəaliyyət göstərmək hüququ verir.

Sertifikatların etibarlılıq müddəti 3 ildir.

Oxşar xəbərlər

Bu gündən avtobus və metroda gedişhaqqı 60 qəpik oldu

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

DİN-in hərbi qulluqçuları və polis əməkdaşları Zəfər parkını ziyarət ediblər