Cənubi Koreya Prezidenti Li Çje Myonun reytinqi 55 %-ə düşüb.

"Report" "Yonhap" agentliyinə istinadən xəbər verir ki, bunu iyulun 13-dən 15-dək keçirilən "National Barometer" sorğusunun nəticələri təsdiqləyib.

Linin işinin müsbət qiymətləndirilməsi əvvəlki sorğu ilə müqayisədə 3 faiz bəndi, mənfi qiymətləndirilməsi isə 1 faiz bəndi azalaraq 34 %-ə düşüb.

Sorğu göstərib ki, hakim Demokratik Partiyaya dəstək əvvəlki sorğu ilə müqayisədə 4 faiz bəndi azalaraq 38 %-ə düşüb, əsas müxalif Xalqın Gücü Partiyasına dəstək isə 2 faiz bəndi artaraq 22 % təşkil edib.

Hökumətin quru qoşunları, hərbi dəniz donanması və hərbi hava qüvvələri üçün birləşmiş hərbi akademiyanın yaradılması planına gəldikdə isə respondentlərin 55 %-i bu təklifə qarşı çıxıb, 34 %-i isə onu dəstəkləyib.

Sorğu "Embrain Public", "Kstat Research", "Korea Research" və "Hankook Research" sosioloji şirkətləri tərəfindən 1000 nəfər arasında keçirilib.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib