Cari mövsüm "Qarabağ"ın UEFA Avropa Liqasının I təsnifat mərhələsindəki ilk oyununu idarə etmiş moldovalı hakim Roman Jitari "Zirə"nin UEFA Konfrans Liqasındakı matçına da təyinat alıb.

"Far.Az"un məlumatına görə, 35 yaşlı FIFA referisi Azərbaycan təmsilçisinin Estoniyada "Payde"yə qarşı keçirəcəyi II təsnifat mərhələsinin ilk qarşılaşmasında əsas söz sahibi olacaq.

Ona həmyerliləri Viktor Mardari və Andrey Bodean köməklik göstərəcək. Dördüncü hakim funksiyasını Andrey Brequta yerinə yetirəcək.

Xatırladaq ki, iyulun 23-də Estoniyadakı Parnu şəhərində keçiriləcək "Payde" - "Zirə" oyunu Bakı vaxtı ilə saat 20:00-da start götürəcək. Roman Jitari Bakıda "Qarabağ" - "Vestri" oyununu idarə edib. İyulun 9-dakı qarşılaşmada Azərbaycan təmsilçisi üç cavabsız qolla qalib gəlib.

Oxşar xəbərlər

UEFA Avropa Liqası: "Qarabağ" - "Vestri" oyununda ikinci hissə başlayıb - YENİLƏNİB-3

"Zirə" UEFA Konfrans Liqasının 2026/2027 mövsümündə ilk oyununda qələbə qazanıb - YENİLƏNİB-7

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

UEFA Avropa Liqası: "Qarabağ" - "Vestri" oyunu başlayıb