Küveytin Silahlı Qüvvələri sübhdən etibarən ölkənin hava məkanında ballistik raketlər və pilotsuz uçuş aparatları qeydə alır.

"Report" xəbər verir ki, bu barədə Müdafiə Nazirliyinin rəsmi nümayəndəsi polkovnik Səud Əbdüləziz əl-Atvan məlumat verib, onun sözlərini qurumun mətbuat xidməti yayıb.

Onun sözlərinə görə, raketlər zərərsizləşdirilib.

"İranın hücumları hərbi və təhlükəsizlik obyektlərinə, həmçinin neft, enerji və su infrastrukturuna yönəlib. Bir sıra obyektlərdə yanğınlar olub, əhəmiyyətli dərəcədə maddi ziyan dəyib. Yanğınların söndürülməsi və bərpa işləri zamanı yanğınsöndürmə xidmətinin bir neçə əməkdaşı və neft sektorunun işçiləri xəsarət alıb. Onlara lazımi tibbi yardım göstərilir", - əl-Atvan deyib.

Raketlərin zərərsizləşdirilməsi nəticəsində qalıqlar bir neçə yerə, o cümlədən yaşayış rayonlarına düşərək maddi ziyan vurub. Əhali arasında xəsarət alan yoxdur.

11:00

Küveytdə İranın zərbələrindən sonra elektrik stansiyasında və duzsuzlaşdırma zavodunda yanğın baş verib

"Report" "The Times of Israel"ə istinadən xəbər verir ki, bu barədə Küveytin Elektrik Enerjisi, Su Təchizatı və Bərpa Olunan Enerji Mənbələri Nazirliyi məlumat yayıb.

Bildirilib ki, zərbələr nəticəsində elektrik stansiyasında bir neçə enerji bloku dayandırılıb.

Hazırda yanğının lokallaşdırılması və təmir-bərpa işlərinin aparılması istiqamətində tədbirlər görülür.

Mümkün zərərçəkənlər barədə məlumat yoxdur.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Silahlı Qüvvələrin bir qrup hərbi qulluqçu təltif edilib

İlham Əliyev Ağdamda 2-ci yaşayış kompleksinin açılışında iştirak edib

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib