Bu ilin yanvar-iyun aylarında Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri 5 762 daşınmaz əmlak üzərində mülkiyyət hüququnu dövlət qeydiyyatına alıb.

"Far.Az"un yerli bürosunun məlumatına görə, bu, ötən ilin eyni dövrü ilə müqayisədə 16 % çoxdur.

Qeydiyyata alınmış əmlaklardan 2 587-si torpaq sahəsi, 2 169-u fərdi yaşayış və bağ evi, 723-ü mənzil, 142-si qeyri-yaşayış sahəsi, 134-ü qeyri-yaşayış binası, 7-si isə əmlak kompleksidir.

6 ayda daşınmaz əmlakın qeydiyyatı, texniki inventarlaşdırılması və kadastr xidmətlərindən ümumilikdə 1,2 milyon manat xidmət haqqı toplanıb. Bu da 1 il əvvələ nisbətən 63,6 min manat və yaxud 5,5 % çoxdur.

Bundan başqa, hesabat dövründə hüquqi və fiziki şəxslər, eləcə də notariat ofislərindən Dövlət Xidmətinə 6 522 elektron müraciət daxil olub. Bu göstərici ötən ilin eyni dövrü ilə müqayisədə 2,1 dəfə çoxdur.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Xocalı şəhərində "Qarabağ Tekstil Evi" MMC istifadəyə verilib

Vidadi Zeynalovun MİLYONLUQ əmlakları hərraca çıxarılır

Prezident İlham Əliyev Əfv Sərəncamı imzalayıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN