ABŞ tərəfi danışıqlar zamanı İrana təzminat ödəmək şərti ilə razılaşmayıb.

"Report" xəbər verir ki, bunu İranın xarici işlər naziri Abbas Əraqçi müsahibə zamanı deyib.

"Lakin onlar anladılar ki, təzminat məsələsində İranın mövqeyi nəzərə alınmadan heç bir razılaşma əldə edilməyəcək. Məhz buna görə də ad və forma dəyişdirilərək, məsələ bərpa planı kimi təqdim olunub – üç yüz milyard dollarlıq bir fond. Bunun həyata keçirilib-keçirilməyəcəyini iddia etmirəm", - Əraqçi bildirib.

Onun sözlərinə görə, qarşıda duran digər böyük problem yekun razılaşmaya nail olmaqdır: "İkincisi isə, yekun razılaşma əldə olunsa belə, bir çox başqa hallarda olduğu kimi, hər şey öz yoluna düşənə qədər çoxlu mübahisələr, problemlər və fikir ayrılıqları yaranacaq".

Əraqçinin fikrincə, yaradılması nəzərdə tutulan yardım fondu təzminata ekvivalentdir: "Əks təqdirdə, anlaşma memorandumunda İrana üç yüz milyard dollar həcmində investisiya yatırılacağının qeyd edilməsinin heç bir mənası olmazdı".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Prezident Azərbaycanda sosial müavinətləri artırdı - FƏRMAN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2