ABŞ Prezidenti Donald Tramp bəyan edib ki, Çin və Rusiya İrana hərbi dəstək göstərmir.

BAKU.WS Oxu.Az-a istinadən xəbər verir ki, Ağ Evin rəhbəri bu barədə "Truth Social" platformasındakı paylaşımında yazıb.

Trampın sözlərinə görə, Çin Xalq Respublikasının Sədri Si Cinpin Pekində keçirilən şəxsi görüş zamanı ona heç bir halda İrana silah verməyəcəklərini və ya satmayacaqlarını bildirib. O qeyd edib ki, bu prinsip Çin şirkətlərinə də şamil olunur.

ABŞ Prezidenti həmçinin bəyan edib ki, Rusiya Prezidenti Vladimir Putin də ona Rusiyanın İrana silah satmayacağını deyib.

"O anlayır ki, mən Ukraynaya silah satmıram, silahları NATO ölkələrinə satıram. Onlar bunun tam məbləğini ödəyirlər. Həmin silahların sonradan necə paylanması barədə isə mənim heç bir məlumatım yoxdur", - deyə Tramp əlavə edib.

"Buna görə də İranla bağlı tez-tez adları hallanan iki böyük ölkənin, mənim fikrimcə, bu prosesdə iştirakı yoxdur. Əgər iştirak etsəydilər, bu onlar üçün çox pis olardı və qətiyyən maraqlarına uyğun gəlməzdi", - deyə o vurğulayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib