Rusiya Silahlı Qüvvələri son 24 saat ərzində Ukraynanın Xerson vilayətində yerləşən onlarla yaşayış məntəqəsinə hava, pilotsuz uçuş aparatları və artilleriya vasitəsilə zərbələr endirib.

Far.Az xəbər verir ki, bu barədə Xerson Vilayət Hərbi Administrasiyasının rəhbəri Aleksandr Prokudin məlumat yayıb.

Onun sözlərinə görə, hücumlar nəticəsində iki nəfər həyatını itirib, daha 24 nəfər müxtəlif dərəcəli xəsarətlər alıb.

Bildirilib ki, zərbələr yaşayış məhəllələri ilə yanaşı, sosial və kritik infrastruktur obyektlərini də hədəf alıb. Nəticədə qaz kəmərləri, yanacaqdoldurma məntəqəsi, kilsə, mağazalar, 18 çoxmənzilli bina, 17 fərdi yaşayış evi, təsərrüfat tikililəri, qarajlar və avtomobillərə ziyan dəyib.

Xerson Şəhər Hərbi Administrasiyasının rəhbəri Yaroslav Şankonun sözlərinə görə, Xerson şəhəri ilə yanaşı Kamışan, Antonivka, Priozerne və Zımovnik yaşayış məntəqələri də hücumlara məruz qalıb.

Oxşar xəbərlər

Vilayət Eyvazov polislərə vətəndaşların şikayətlərinin obyektiv və həssaslıqla araşdırılmasını tapşırıb

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Xocalı şəhərində "Qarabağ Tekstil Evi" MMC istifadəyə verilib

Nazirlik bu yanacaqdoldurma məntəqəsinin fəaliyyətini dayandırdı