Ukrayna Prezidenti Volodimir Zelenski ABŞ Prezidenti Donald Tramp ilə Ağ Evdəki Oval kabinetdə keçirdiyi görüşlə bağlı açıqlama verib.

Far.Az Oxu.Az-a istinadən xəbər verir ki, Zelenski görüşün məhsuldar keçdiyini bildirib.

"Dəyərli görüş oldu. Ukraynalıların həyatını qorumaq və sülhə nail olmaq naminə birlikdə gördüyümüz bütün işlərə görə Prezident Trampa təşəkkür edirəm", - deyə o qeyd edib.

Zelenski həmçinin ABŞ senatoru Lindsi Qremin vəfatı ilə əlaqədar Donald Trampa başsağlığı verdiyini bildirib.

"İlk növbədə Prezident Trampa Lindsi Qremin vəfatı ilə bağlı başsağlığı verdim. O, Ukraynanın əsl dostu idi", - deyə Ukrayna lideri vurğulayıb.

Onun sözlərinə görə, görüş zamanı "Patriot" hava hücumundan müdafiə sistemləri üçün raket-kəsicilərin istehsalına lisenziyaların verilməsi, eləcə də Ukraynaya dəstək verə biləcək digər təşəbbüslər müzakirə olunub.

Tərəflər həmçinin diplomatik prosesi nəzərdən keçiriblər.

"Diplomatik prosesi fəallaşdırmaq vacibdir. Komandalarımız gələcək əməkdaşlığın təfərrüatlarını razılaşdıracaqlar. Güclü dəstəyə görə ABŞ-yə minnətdaram", - deyə Zelenski əlavə edib.

Oxşar xəbərlər

Tuapsedə PUA hücumundan sonra "qara yağış" canlılara ZƏRƏR VURUB

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib