Türkiyənin Antalya vilayətinin Kaş rayonunda baş verən meşə yanğınının söndürülməsi istiqamətində işlər ikinci gündür davam edir.

BAKU.WS xəbər verir ki, Üzümlü məhəlləsində dünən sübh saatlarında başlayan yanğını nəzarət altına almaq üçün gecə boyu intensiv mübarizə aparılıb.

Dağlıq, sıldırım və qayalıq ərazidə fəaliyyət göstərən yerüstü qruplar çətin şəraitə baxmayaraq yanğının yayılmasının qarşısını almağa çalışırlar.

Yanğının söndürülməsinə 26 yanğınsöndürən maşın, 9 su təchizatı avtomobili, 5 ilk müdaxilə texnikası və 155 nəfərdən ibarət şəxsi heyət cəlb olunub.

Səhər saatlarından etibarən helikopter və təyyarələr də havadan əməliyyatlara qoşulub. Hazırda yanğının söndürülməsi istiqamətində havadan və qurudan işlər davam etdirilir.

Oxşar xəbərlər

Lökbatanda anbardakı yanğının söndürülməsinə 2 helikopter cəlb olunub - YENİLƏNİB-4

Sabirabad Sənaye Məhəlləsində toxum istehsalı müəssisəsinin fəaliyyəti ilə tanışlıq

"Torqovı"da GÜCLÜ YANĞIN nəzarət altına alınıb, xəsarət alan var

Antalyada 8-ci Etnospor Forumu baş tutub

Şəhidlər xiyabanına xalq ziyarəti axşam saatlarında da davam edir