Rusiya Müdafiə Nazirliyi Ukrayna ərazisinə endirilən kütləvi zərbələr nəticəsində telekommunikasiya mərkəzlərinin hədəfə alındığını açıqlayıb.

BAKU.WS xəbər verir ki, nazirliyin məlumatına görə, hücumlar zamanı hərbi aerodromlar, hərbi-sənaye kompleksinə aid müəssisələr və logistika mərkəzləri də vurulub.

Bildirilib ki, hədəflər Kiyev, Lvov, İvano-Frankovsk, Jitomir, Rivne, Vinnitsa və Dnepropetrovsk vilayətlərində yerləşib. Rusiya tərəfi iddia edir ki, bu obyektlər raket silahlarının və pilotsuz uçuş aparatlarının istehsalı, saxlanılması və daşınması üçün istifadə olunurdu.

Nazirliyin məlumatında həmçinin qeyd olunub ki, "Yujnı" limanında bir quru yük gəmisi, Odessa yaxınlığında isə daha iki yük gəmisi vurulub. İddiaya görə, həmin gəmilər silah və hərbi təyinatlı yüklər daşıyırdı.

Açıqlamaya əsasən, zərbələr uzaqmənzilli yüksək dəqiqlikli quru, hava və dəniz bazalı silahlar, eləcə də zərbə tipli pilotsuz uçuş aparatları ilə həyata keçirilib.

Ukrayna tərəfi isə bu iddialarla bağlı hələlik rəsmi açıqlama verməyib.

Oxşar xəbərlər

İlham Əliyev Zəngilanda ilk yaşayış kompleksinə köçən ailələrlə görüşüb

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

Sumqayıt Sənaye Parkında karton və qutu taralarının istehsalı müəssisəsinin açılışı olub

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib