Biləsuvar rayonunda pomidor sahələrində xəstəlik yayılıb.

Bu barədə "Far.Az"un yerli bürosuna rayon fermerləri məlumat verib.

Onların sözlərinə görə, məhsul xəstəlik səbəbindən sahələrdə çürüyüb.

Fermerlər həmçinin qeyd edib ki, bu ilin əvvəlindən pomidor sahələrinə zəruri aqrotexniki qulluqlar göstərməsinə baxmayaraq, hava şəraitinin əlverişsizliyi və dərman preparatlarının keyfiyyətsizliyi üzündən hər yığımda demək olar, 50 faiz zərərlə üzləşiblər. On iki dəfəyədək yığılmalı olan məhsul, bu il cəmi 3 dəfə yığılıb.

Məsələ ilə bağlı Biləsuvar Dövlət Aqrar İnkişaf Mərkəzindən bildirilib ki, pomidorun yetişdirilməsi ilə əsasən rayonun Ağalıkənd, Səmədabad, Ağayrı və Günəşli kəndərində ixtisaslaşmış təcrübəli mütəxəssislər məşğuldur. Bu günədək sahələrdən tədarük olunan 38 min tondan çox məhsulun 70 faizi paytaxt və region bazarlarına çıxarılıb. Məhsuldarlıq isə 400-500 sentner civarındadır. Havaların yağıntılı keçməsi ilə əlaqədar bəzi əkin sahələrində göbələk xəstəlikləri yayılıb. Xəstəliklərlə bağlı fermerlərə müvafiq tövsiyələr verilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Biləsuvarda pomidorun məhsuldarlığı bu il 4 dəfəyə yaxın artıb

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2