Ürəyin qəfil döyüntünü "buraxması", sürətlənməsi və ya nizamsız döyünməsi hər zaman ciddi xəstəlik əlaməti olmasa da, bu hallar təkrarlanırsa, həkim müayinəsi vacibdir.

BAKU.WS xəbər verir ki, mütəxəssislərin sözlərinə görə, belə hallar stress, yuxusuzluq, kofein qəbulu, güclü emosiyalar və ya fiziki gərginlik nəticəsində yarana bilər. Bəzən isə səbəb ekstrasistoliya və ya digər ürək ritm pozğunluqları olur.

Əgər ürək döyüntüsündəki dəyişikliklər səbəbsiz şəkildə tez-tez baş verirsə, istirahət zamanı yaranırsa və ya gündəlik həyata mane olursa, kardioloqa müraciət etmək tövsiyə edilir.

Sinə ağrısı, nəfəs darlığı, başgicəllənmə, güclü halsızlıq və ya huşun itməsi ilə müşayiət olunan ritm pozğunluqları isə təcili tibbi yardım tələb edir.

Həkimlər simptomların nə vaxt və hansı şəraitdə baş verdiyini qeyd etməyi, özbaşına ürək ritmini tənzimləyən dərmanlardan istifadə etməməyi məsləhət görürlər. Zərurət yaranarsa, diaqnozun dəqiqləşdirilməsi üçün EKQ və ya 24 saatlıq Holter monitorinqi təyin oluna bilər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

FHN nizamsız park edilən maşınlara görə Bakıda "yanğın olan ərazi"yə girə bilmədi