Avqust ayı bazarlarda mövsümi meyvə və tərəvəz bolluğu ilə seçilir. Bu dövrdə məhsullar həm daha təzə, həm də daha münasib qiymətə satılır. Mövsümündə yetişən meyvə və tərəvəzlər dadı, qida dəyəri və keyfiyyəti ilə seçilir.

Far.Az xəbər verir ki, ən çox tövsiyə olunan məhsullar arasında qarpız və qovun xüsusi yer tutur. Avqustda bu bostan məhsulları ən şirin və sulu dövrünü yaşayır. Yetişmiş qarpızı seçərkən saplağının quru, qabığının mat, yan hissəsində isə sarı ləkənin olmasına diqqət yetirmək məsləhətdir. Qovunun isə xoş və şirin ətri onun yetişdiyini göstərən əsas əlamətlərdəndir.

Bu ay həmçinin şaftalı, nektarin, gavalı və əncir mövsümünün pik dövrüdür. Şaftalı və nektarin seçərkən meyvənin ətirli və yüngül yumşaq olmasına diqqət yetirmək lazımdır. Gavalılar mürəbbə, kompot və müxtəlif sousların hazırlanması üçün də əlverişlidir. Əncir isə qısa mövsümə malik olduğundan alındıqdan sonra qısa müddətdə istehlak edilməlidir.

Avqustun ikinci yarısından etibarən yeni məhsul alma və armudlar da bazarlarda görünməyə başlayır. Təzə alma və armudlar ətirli, bərk və ləkəsiz olur. Bu meyvələrdən piroq, kompot, mürəbbə və digər qış tədarükləri hazırlamaq mümkündür.

Mütəxəssislər bildirirlər ki, mövsümi məhsulların seçilməsi həm sağlam qidalanmağa kömək edir, həm də ailə büdcəsinə qənaət etməyə imkan yaradır. Avqust ayı isə bunun üçün ilin ən əlverişli dövrlərindən hesab olunur.

Oxşar xəbərlər

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6

Süfrələrimizin yeni favoriti - Quru meyvə bazarında qiymətlər necə dəyişir?

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan meyvə-tərəvəz ixracında 5 ilin ən yüksək göstəricisinə çatdı - STATİSTİKA