Ukrayna Xarici Kəşfiyyat Xidmətinin (XKX) yeni rəhbəri Rüstəm Umerov beynəlxalq əməkdaşlığın inkişaf etdirilməsini, prezidentin (Volodimir Zelenski – red.) strateji təşəbbüslərinin həyata keçirilməsini və qurumun imkanlarının gücləndirilməsini əsas vəzifələr adlandırıb.

"Report" "RBK-Ukrayna"ya istinadən xəbər verir ki, bu barədə Umerov sosial şəbəkədə məlumat yayıb.

Onun sözlərinə görə, XKX Ukraynanın milli maraqlarının müdafiəsi üçün daha güclü bir alətə çevrilmək potensialına malikdir. O, təhlükəsizlik və müdafiə sahəsində əməkdaşlığın genişləndirilməsini əsas istiqamətlərdən biri adlandırıb.

Umerov qeyd edib ki, son illərdə Ukrayna ABŞ, Böyük Britaniya, Norveç, Avropa İttifaqı (Aİ), Yaxın Şərq və Fars körfəzi ölkələri, Türkiyə, Cənubi Qafqaz dövlətləri və digər tərəfdaşlarla genişmiqyaslı əməkdaşlıq qurub.

O, həmçinin pilotsuz sistemlər istehsalının inkişafına, eləcə də hava və raket hücumundan müdafiə imkanlarının gücləndirilməsinə yönəlmiş "Drone Deal" və "Freya" layihələrinin həyata keçirilməsinin vacibliyini qeyd edib.

Daha əvvəl Ukrayna Prezidenti Volodimir Zelenski Umerovu Milli Təhlükəsizlik və Müdafiə Şurasının katibi vəzifəsindən azad edildikdən sonra XKX-nin rəhbəri təyin edib.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2