Türkiyənin Milli Kəşfiyyat Təşkilatının (MİT) rəhbəri İbrahim Kalın İstanbulda HƏMAS qruplaşmasının Siyasi Bürosunun rəhbəri Xəlil əl-Hayya ilə görüşüb.

"Report" xəbər verir ki, bu barədə "TRT Haber" məlumat yayıb.

Məlumata görə, görüşdə Qəzzada sülh planının ikinci mərhələsinə keçid üçün hazırlanan yol xəritəsi müzakirə olunub və HƏMAS-ın bu təşəbbüsə müsbət yanaşdığı bildirilib.

Tərəflər İsrailin yol xəritəsinə cavab vermək əvəzinə Qəzzada hücumlarını artırmasından narahatlıq ifadə edib, bunun qarşısını almaq üçün beynəlxalq ictimaiyyətin hərəkətə keçməsinin vacibliyini vurğulayıblar.

Görüşdə İsrailin Qəzza ilə yanaşı, İordan çayının Qərb sahili və Qüdsdə fələstinlilərin hüquqlarını pozması məsələləri də müzakirə olunub.

Həmçinin Qəzzada sülhün təmin olunması üçün Türkiyə, Qətər və Misirin birgə səylərinin əhəmiyyəti qabardılıb.

Oxşar xəbərlər

İlham Əliyev Zəngilanda ilk yaşayış kompleksinə köçən ailələrlə görüşüb

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Ət əvəzinə hamı balıq alır - Bazarda SON QİYMƏTLƏR

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər