Ankara Respublika Baş Prokurorluğu Cümhuriyyət Xalq Partiyasının (CXP) keçmiş sədri, hazırda Yeni Partiyaya rəhbərlik edən deputat Özgür Özelin toxunulmazlığının ləğvi tələbi ilə bağlı Ədliyyə Nazirliyinə müraciət edib.

"Report" xəbər verir ki, bu barədə Baş Prokurorluğun yaydığı məlumatda qeyd olunub.

Bildirilib ki, zəncirvari şəkildə rüşvət almaq iddiası ilə haqqında araşdırma başladılmış Ö. Özelin sözügedən cinayəti törətdiyi müəyyənləşdirilib. Bu səbəbdən onun toxunulmazlığının ləğvi ilə bağlı Ədliyyə Nazirliyinə müraciət edilib.

Qeyd edək ki, Türkiyədə deputatın toxunulmazlığının ləğvi ancaq parlament qərarı ilə mümkündür. Ədliyyə Nazirliyi prokurorluğun hazırladığı sənədi parlamentə göndərir, parlamentin müvafiq komitəsi araşdırma apararaq toxunulmazlığın ləğvini plenar iclasa tövsiyə edir. İclasda keçirilən səsvermədə toxunulmazlığın ləğv edilib-edilməməsinə aydınlıq gətirilir.

Oxşar xəbərlər

Məşhurlardan 29 Oktyabr – Cümhuriyyət bayramı PAYLAŞIMLARI

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Şəhidlər xiyabanına xalq ziyarəti axşam saatlarında da davam edir

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3