Azərbaycan və Ukrayna arasında ticarət dövriyyəsi 600 milyon ABŞ dollarına çatıb, Kiyev qarşılıqlı ticarətin Rusiya-Ukrayna müharibəsinin başlanmasından əvvəl qeydə alınmış səviyyəyə qədər bərpa olunmasında maraqlıdır.

"Report"un Şərqi Avropa bürosunun verdiyi məlumata görə, bu barədə Ukraynanın xarici işlər naziri Andrey Sibiqa Kiyevdə azərbaycanlı həmkarı Ceyhun Bayramovla keçirilən birgə mətbuat konfransında bildirib.

"Ticarət dövriyyəsindən danışırıqsa, biz qarşımıza müharibədən əvvəlki dövrün səviyyəsinə çatmaq məqsədi qoymuşuq. Hazırda biz təxminən 600 milyon ABŞ dolları səviyyəsinə çatmışıq", - o qeyd edib.

Onlar, həmçinin Ukraynada iqtisadi əməkdaşlıq məsələləri üzrə ikitərəfli Hökumətlərarası Komissiyanın növbəti iclasının keçirilməsi barədə razılığa gəliblər.

A.Sibiqa bildirib ki, Ukrayna Azərbaycan şirkətlərinin investisiyalarını dəyərləndirir və onların iştirakının genişləndirilməsinə, eləcə də yeni birgə layihələrin həyata keçirilməsinə ümid edir.

Xatırladaq ki, 2021-ci ilin yekunlarına görə, iki ölkə arasında ticarət dövriyyəsi 922,4 milyon ABŞ dolları təşkil edib.

Oxşar xəbərlər

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Tacikistan səfiri: Düşənbə və Bakı münasibətləri keyfiyyətcə yeni səviyyəyə yüksəlib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Tacikistan səfiri: Düşənbə və Bakı münasibətləri keyfiyyətcə yeni səviyyəyə yüksəlib - MÜSAHİBƏ