ABŞ beynəlxalq məhdudiyyətlərdən yan keçməkdə və yüz milyonlarla dolların qlobal maliyyə sistemi vasitəsilə köçürülməsində İrana yardım etməkdə günahlandırılan banklara, valyutadəyişmə məntəqələrinə və vasitəçilərə qarşı yeni sanksiyalar tətbiq edib.

"Report" xəbər verir ki, bu barədə ABŞ Dövlət Departamentinin nümayəndəsi Tommi Piqottun bəyanatında qeyd olunub.

Onun sözlərinə görə, ABŞ Maliyyə Nazirliyi vəsaitlərin yuyulması üçün saxta strukturlardan istifadə edərək, Tehranın neft satışından əldə olunan gəlirlərə çıxış əldə etməsinə və sanksiyalardan yan keçməsinə kömək edən valyutadəyişmə məntəqələri və saxta şirkətlər şəbəkəsini ləğv edib.

"ABŞ açıq şəkildə bildirir: sanksiyalardan yan keçməyə kömək edən banklar, valyutadəyişmə məntəqələri və vasitəçilər ciddi nəticələrlə üzləşəcəklər", - Piqott qeyd edib.

Dövlət Departamentinin nümayəndəsi əlavə edib ki, Vaşinqton bu məsələdə beynəlxalq tərəfdaşları ilə əməkdaşlığı davam etdirəcək.

Oxşar xəbərlər

Prezident Azərbaycanda sosial müavinətləri artırdı - FƏRMAN

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3