Avropa İttifaqı (Aİ) Ukraynanın Enerji Sektoruna Dəstək Fonduna daha 30 milyon avro ayıraraq bu çərçivədə yardımının ümumi həcmini 279 milyon avroya çatdırıb.

"Report" xəbər verir ki, bu barədə Ukrayna baş nazirinin birinci müavini, energetika naziri Denis Şmıqal "X" sosial şəbəkəsində bildirib.

Onun sözlərinə görə, Fondun vəsaitləri Rusiya hücumları nəticəsində zədələnmiş enerji infrastrukturunun bərpası, Ukrayna enerji şirkətləri üçün kritik əhəmiyyətli avadanlıqların alınması və xüsusilə də kritik infrastruktur obyektlərinin etibarlı enerji təchizatının təmin edilməsi üçün istifadə olunur.

"Dağıntıların miqyası böyükdür. Son bir neçə ay ərzində energetiklərimiz hər ay 4-5 milyon istehlakçının elektrik təchizatını bərpa ediblər. Qarşıdan gələn qışa hazırlaşdıqca əlavə dəstəyə və avadanlıqlara ehtiyac artmaqda davam edir", - nazir qeyd edib.

O vurğulayıb ki, Aİ enerji sektoru da daxil olmaqla, Ukraynanın əsas tərəfdaşlarından biri olaraq qalır və ölkənin enerji sisteminə göstərilən daimi dəstəyə görə Avropa Komissiyasına və Aİ-yə təşəkkürünü bildirib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2