İran Hörmüz boğazının açılmasına icazə verməyəcək və Tehranın guya Qətər vasitəçilərinin akvatoriyanın fəaliyyətinin bərpası ilə bağlı təklifini qəbul etməsi barədə yayılan məlumat həqiqəti əks etdirmir.

"Far.Az" xəbər verir ki, bu barədə Fars agentliyi İranın danışıqlar qrupundakı mənbəyə istinadən məlumat yayıb.

Mənbənin sözlərinə görə, Hörmüz boğazı vasitəsilə gəmiçiliyin bərpası ilə bağlı heç bir razılaşma əldə olunmayıb və bununla bağlı yayılan məlumatlar yalandır.

Agentliyin həmsöhbəti vurğulayıb ki, ABŞ "düşmənçilik hərəkətlərini davam etdirdiyi" müddətdə boğaz bağlı qalacaq.

Bundan əvvəl İsrailin N12 telekanalı ABŞ Prezidenti Donald Trampın İrana qarşı planlaşdırılan genişmiqyaslı zərbəni İranın xarici işlər naziri Abbas Əraqçinin Qətər vasitəçilərinin Hörmüz boğazında gəmiçiliyin bərpası ilə bağlı kompromis təklifini qəbul etməsindən sonra ləğv etməyə razılaşdığını iddia etmişdi.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN