Türkiyənin ədliyyə naziri Akın Gürlek bildirib ki, ölkə terror təhlükəsinin aradan qaldırılması istiqamətində həlledici mərhələyə qədəm qoyub.

"Far.Az" xəbər verir ki, nazir bu barədə İğdır vilayətinə səfəri çərçivəsində çıxışı zamanı danışıb.

O qeyd edib ki, 40 ildən artıqdır ölkənin inkişafı, sabitliyi və ictimai rifahı üçün ən böyük təhdidlərdən biri olan terror probleminin başa çatmasına az qalıb.

"Xalqımızın qətiyyətli mövqeyi ilə bu dövr arxada qalacaq və ölkəmiz üçün yeni səhifə açılacaq", – deyə Gürlek bildirib.

Nazirin sözlərinə görə, "Terrordan azad Türkiyə" prosesi siyasi institutların dəstəyi ilə yekun mərhələyə yaxınlaşıb və ölkənin bundan sonra diqqətini iqtisadi inkişaf, regional sabitlik və rifahın gücləndirilməsinə yönəltməsi hədəflənir.

Nazir çıxışında mütəşəkkil cinayətkarlıqla mübarizəyə də toxunaraq bildirib ki, müasir cinayət şəbəkələri rəqəmsal platformalar, kriptovalyutalar və beynəlxalq maliyyə sistemlərindən istifadə edir. Onun sözlərinə görə, dövlət bu istiqamətdə texnoloji imkanlardan istifadə etməklə cinayətkar qrupların fəaliyyətinin qarşısını almaqda qərarlıdır.

Gürlek əlavə edib ki, narkotik dövriyyəsi, qanunsuz mərc oyunları, çirkli pulların yuyulması və digər mütəşəkkil cinayət növlərinə qarşı mübarizə fasiləsiz davam etdirilir.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Heydər Əliyev Fondunun dəstəyi ilə alınan musiqi alətlərinin təqdimatı olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

IAA ilə Azərbaycanın avtomobil bazarı yeni mərhələyə qədəm qoyur

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2