Arsenalların tükənməsi Pentaqonu Asiya və Avropadan gəmiləri, aviasiyanı və hava hücumundan müdafiə (HHM) bölmələrini Yaxın Şərqə yönləndirməyə məcbur edir.

"Report" xəbər verir ki, bu barədə "The New York Times" (NYT) qəzeti mənbələrə istinadən yazıb.

Məqalədə qeyd olunub ki, bu həmin regionlarda Amerikanın hərbi potensialını zəiflədib və hərbi qulluqçuların mənəvi vəziyyətinə, eləcə də hərbi texnikaya xidmət göstərilməsinə mənfi təsir edə bilər.

"Bəzi amerikalı məmurlar ehtiyat edirlər ki, Cənubi Koreya və Yaponiya Birləşmiş Ştatların onları qeyri-nüvə vasitələri ilə qorumaq qabiliyyətinə şübhə edəcək və daha etibarlı çəkindirməni təmin etmək üçün öz nüvə silahlarını yaratmağa daha çox meyilli olacaqlar", - qəzet yazıb.

Nəşr dəqiqləşdirib ki, İrana qarşı hərbi əməliyyat ABŞ-nin ehtiyatlarını tükəndirib və Pentaqonun sərəncamında "Patriot" HHM sistemləri üçün 1,7 mindən az raket qalıb. Mənbələrin məlumatına görə, Vaşinqton administrasiyası hərbi podratçıların istehsalı sürətləndirməsinə nail olmağa çalışır, lakin bütün səylərə baxmayaraq, İrana qarşı döyüş əməliyyatları zamanı sərf olunmuş 1,5 mindən çox "Patriot" raketinin istehsalı üçün ABŞ-yə iki ildən çox vaxt lazım ola bilər.

Oxşar xəbərlər

Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

Qarabağ Universitetində "Mənəvi dəyərlər" günü keçirilib

Tuapsedə PUA hücumundan sonra "qara yağış" canlılara ZƏRƏR VURUB

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3