ABŞ Prezidenti Donald Tramp İranın nüvə proqramı ilə bağlı yeni saziş imzalamadan da münaqişəni başa çatdırmağa hazırdır.

"Report" xəbər verir ki, bu barədə "The Wall Street Journal" qəzeti ABŞ administrasiyasının adının açıqlanmasını istəməyən nümayəndələrinə istinadən yazıb.

Nəşrin məlumatına görə, Tramp özəl söhbətlərdə yüksək vəzifəli köməkçilərinə nüvə sazişi bağlamadan münaqişədən çıxmaq istədiyini bildirib. O, həmçinin tabeliyində olan şəxslərə deyib ki, 2025-ci ildə İranın nüvə obyektlərinin məhv edilməsindən sonra Tehran onun prezidentlik müddətinin sonunadək nüvə proqramını bərpa edə bilməyəcək.

Trampın fikrincə, İranın buna cəhd göstərməsi halında ABŞ kəşfiyyatı bunu vaxtında aşkarlaya biləcək.

Vaşinqton Hörmüz boğazından gəmiçiliyin bərpasına nail olarsa və İranın nüvə proqramı üzərində nəzarəti saxlayarsa, Tramp atəşkəs rejimini qeyri-müəyyən müddətə uzada və İran limanlarına tətbiq olunan blokadanı aradan qaldıra bilər.

ABŞ və İsrail İrana qarşı hərbi əməliyyata fevralın 28-də başlayıb. İyun ayında Vaşinqton və Tehran bütün cəbhələrdə, o cümlədən Livanda hərbi əməliyyatların dərhal dayandırılmasını nəzərdə tutan qarşılıqlı anlaşma memorandumu imzalayıblar. Lakin iyulun 8-nə keçən gecə ABŞ Hörmüz boğazı ilə bağlı razılaşmanın şərtlərini pozmaqda Tehranın günahlandıraraq İrana qarşı genişmiqyaslı zərbələri yenidən başlayıb.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN