Böyük Britaniya hakimiyyəti ölkənin Hərbi Dəniz Qüvvələrinə məxsus pilotsuz suüstü aparatlarda quraşdırılmış kameraların texniki məlumatları Çindəki IP ünvana ötürdüyünü aşkarlayıb.

"Report" xəbər verir ki, bu barədə The Telegraph qəzeti məlumat yayıb.

Söhbət Britaniyanın müdafiə podratçısı "Kraken Technology Group" tərəfindən təchiz edilən "K3 Scout" pilotsuz aparatlarından gedir. Aparatlar üçün kameralar əvvəllər avadanlığın təhlükəsizliyinə zəmanət verən üçüncü tərəf şirkətindən alınıb.

Kameralarda Çin istehsalı komponentlər aşkarlanıb. Yoxlama zamanı müəyyən edilib ki, qurğular Çinə sistemin vəziyyəti ilə bağlı siqnallar, yəni avadanlığın şəbəkəyə qoşulması və işlək vəziyyətdə olması barədə texniki məlumatlar ötürüb.

Məlumatların ötürüldüyü aşkarlandıqdan sonra Böyük Britaniyanın Müdafiə Nazirliyi aparatların internet bağlantısını kəsib.

Bununla belə, nazirliyin nümayəndəsi bildirib ki, araşdırma nəticəsində həssas və ya kritik əhəmiyyətli məlumatların xaricə sızmasına dair heç bir əlamət aşkar edilməyib.

Oxşar xəbərlər

Nazirlikdən "Baku Electronics" MMC-yə məxsus mağazada YOXLAMA

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

DSX ötən ay 6,5 milyon manatlıq qaçaqmal aşkarlayıb