İsveç Baş naziri Ulf Kristersson İspaniyanın miqrantların leqallaşdırılması ilə bağlı proqramını sərt tənqid edib.

BAKU.WS xəbər verir ki, Kristersson bu barədə "Financial Times" qəzetinə müsahibəsində danışıb.

İsveç hökumət başçısı İspaniyada 1 milyondan çox miqrantın leqallaşdırılmasını nəzərdə tutan proqramı "çox pis fikir" adlandırıb. Onun sözlərinə görə, bu qərar Şengen zonasının bütövlüyü üçün təhlükə yarada bilər.

Kristersson bildirib ki, İspaniyanın təşəbbüsü Avropa İttifaqına üzv ölkələrin liderləri arasında ciddi narazılığa səbəb olub. O qeyd edib ki, proqram digər Avropa ölkələrinin həyata keçirməyə çalışdığı miqrasiya siyasəti ilə ziddiyyət təşkil edir.

"Financial Times"ın məlumatına görə, İspaniyanın miqrasiya siyasəti Almaniya, Danimarka, İtaliya və bir sıra digər ölkələrin liderləri tərəfindən də tənqid olunub.

Qeyd edək ki, iyulun sonunda Mərakeşdən olan on minlərlə miqrant Şimali Afrikadakı İspaniyanın muxtar şəhəri Seutaya qanunsuz yollarla keçib. Bu hadisə İspaniya Ali Məhkəməsinin qanunsuz miqrantların dərhal ölkədən çıxarılmasını qadağan etməsindən sonra baş verib. Məhkəmə onların sığınacaq üçün müraciət etmək imkanının yaradılmasını tələb edib.

İspaniyanın xarici işlər naziri Xose Manuel Albares isə avqustun 3-də Seutadakı bütün miqrantların ölkədən çıxarılacağını bildirib.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2