Sovet dövrünün məşhur balerinası və aktrisası Natalya Trubnikova 71 yaşında Moskvada dünyasını dəyişib.

Far.Az xəbər verir ki, bu barədə "Mash" Telegram kanalı məlumat yayıb.

Bildirilib ki, sənətçinin cansız bədəni Moskvanın Tverskoy rayonunda yerləşən mənzilində qonşusu tərəfindən aşkarlanıb. Qonşular onunla sonuncu dəfə səhər saatlarında əlaqə saxlayıblar. Axşam isə Trubnikova telefon zənglərinə cavab verməyib.

Bundan sonra qonşusu onun evinə gedib və aktrisanı divanda oturmuş vəziyyətdə cansız halda tapıb.

Məlumata görə, Natalya Trubnikova Parkinson xəstəliyindən əziyyət çəkib.

Sənətçi "31 iyun" musiqili nağılında canlandırdığı şahzadə Melisenta obrazı ilə geniş tamaşaçı auditoriyasının rəğbətini qazanıb. O, həmçinin "Məhəbbət formulu" və "12 stul" filmlərində rol alıb.

Trubnikova uzun illər K.S. Stanislavski və V.İ. Nemiroviç-Dançenko adına Moskva Akademik Musiqili Teatrının səhnəsində də çıxış edib.

Oxşar xəbərlər

Şuşa Dövlət Musiqili Dram Teatrında inkluziv bir qizin mono tamaşası

Şəhidlər xiyabanına xalq ziyarəti axşam saatlarında da davam edir

Xərçəng xəstəliyindən əziyyət çəkən aktrisa 86 yaşında vəfat etdi

Bakı Kitab Mərkəzində "Zəfər sevinci" adlı musiqili-ədəbi gecə keçirilib

Ağır xəstəlikdən əziyyət çəkən məşhur aktyor 53 yaşında vəfat etdi