Beynəlxalq alimlər qrupu bəzi insanların qeyri-sağlam qidalanma və zərərli vərdişlərə baxmayaraq niyə metabolik xəstəliklərə daha davamlı olduğunu araşdırıb.

BAKU.WS xəbər verir ki, "Nature" jurnalında dərc olunan araşdırmada ABŞ, Avropa və Asiyadan 1 milyondan çox insanın genetik məlumatları təhlil edilib.

Tədqiqatçılar maddələr mübadiləsinə təsir edən 59 müstəqil gen müəyyənləşdiriblər.

Xüsusi diqqət isə FNIP1 geninə yönəlib. Alimlərin məlumatına görə, bu gendə olduqca nadir mutasiyalar təxminən 7 min insandan birində rast gəlinir. Bu variantların daşıyıcılarında qaraciyərdə yağlanma və qanda şəkərin səviyyəsi daha aşağı olub.

Araşdırmaya əsasən, həmin insanlarda ürək-damar və maddələr mübadiləsi ilə bağlı xəstəliklərin inkişaf riski təxminən 60 faiz daha aşağıdır.

Alimlər FNIP1 geninin rolunu laboratoriya təcrübələri ilə də yoxlayıblar. İnsan qaraciyər hüceyrələrində genin fəaliyyətinin zəiflədilməsi yağların daha sürətlə parçalanmasına səbəb olub.

Siçanlar üzərində aparılan təcrübələr isə FNIP1-dəki mutasiyaların yüksək yağlı qidalanma şəraitində belə çəki artımından və qaraciyər piylənməsindən qoruyucu təsir göstərə bildiyini ortaya qoyub. Həmçinin heyvanlarda insulinə həssaslığın yaxşılaşdığı müşahidə edilib.

Tədqiqatçılar hesab edirlər ki, gələcəkdə FNIP1 genindəki qoruyucu mutasiyaların təsirini təqlid edən preparatlar hazırlamaq mümkün ola bilər. Bu yanaşma piylənmə, 2-ci tip diabet və ürək-damar xəstəliklərinin müalicəsində yeni istiqamət aça bilər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Məşhur müğənni niyə səhnədə niyə açıq-saçıq geyimlər geyinmir?