Polşa Ukraynaya "Patriot" raketlərinin növbəti partiyasının verilməsi imkanını nəzərdən keçirir, məsələ yaxın günlərdə həllini tapacaq.

"Far.Az" RMF FM-ə istinadən xəbər verir ki, bu barədə Polşanın müdafiə nazirinin müavini Maqdalena Sobkovyak-Çarnetskaya bildirib.

"Bu qərar polyakların təhlükəsizliyi kontekstində qəbul edilməlidir və bütün arqumentlər ölçülüb-biçilməlidir", -Sobkovyak-Çarnetskaya deyib. O əlavə edib ki, qərar yaxın günlərdə qəbul edilə bilər, həmçinin danışıqlar həm NATO, həm də ABŞ ilə davam edir.

Müdafiə nazirinin müavini əlavə edib ki, vəziyyətin qiymətləndirilməsinə Polşa ərazisinə daxil olan Rusiya raketi ilə bağlı son insident də təsir göstərir. Onun fikrincə, müdafiə naziri Vladislav Kosinyak-Kamış hazırda Ukraynaya növbəti raket partiyasının göndərilməsini dəstəkləməyə hazırdır.

Qərarın nə vaxt qəbul edilə biləcəyi ilə bağlı suala o, qısaca cavab verib: "Düşünürəm ki, bu, yaxın günlərin məsələsidir".

İyul ayında Müdafiə Nazirliyi rəsmi olaraq təsdiqləyib ki, Polşa bir neçə ay əvvəl Ukraynaya "Patriot" sistemləri üçün nəzərdə tutulmuş PAC-3 raketləri verib. Baş nazir Donald Tusk bildirmişdi ki, söhbət beş raketdən gedir.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib